घोगरा महादेव, सुरेवानी गेट, बनेरा गेट व कोलीतमारा येथे दीली भेट
चंद्रपूर | पेंच व्याघ्र प्रकल्प व पर्यटन संचालनालय, प्रादेशिक कार्यालय नागपूर यांच्या संयुक्त विद्यमानाने दि. 27/10/2024 रोजी पेंच व्याघ्र प्रकल्प, कोलीतमारा येथे पर्यटन स्थळाची प्रसिद्धी करण्याकरिता व साहसी पर्यटनाचा अनुभव घेण्याकरिता सोशल मिडिया एन्फल्यूएन्सर व टूर ऑपरेटर यांच्याकरिता फॅम टूर चे आयोजन करण्यात आले. सदर फॅम टुर मध्ये घोगरा महादेव, सुरेवानी गेट, बनेरा गेट व कोलीतमारा येथे भेट देण्यात आली.
श्री. प्रविण लेले, वन परिक्षेत्र अधिकरी, यांनी सुरेवानी गेट बाबत माहिती दिली. तद्नंतर बनेरा गेट येथे श्री. नितीन जाधव, वन परिक्षेत्र अधिकारी, कोलीतमारा यांच्या मार्गदर्शनाने जंगल सफारी करण्यात आली.
त्यानंतर कोलीतमारा येथे रिव्हर साईड कॅम्पींग, कृषी पर्यटन केंद्र येथे पर्यटकांनी ग्रामीण पद्धतीच्या भोजनाचा आस्वाद घेतला. तसेच पर्यटकांनी विविध साहसी पर्यटनाचा आनंद घेतला जसे पॅरामोटरिंग, हॉट एअर बलून, झॉरबिंग बॉल, एटीवी मोटरसाईकल राईड इत्यादी.
सदर फॅम टुर मध्ये श्री. प्रशांत सवाई, उपसंचालक, पर्यटन संचालनालय, प्रादेशिक कार्यालय नागपूर व डॉ. प्रभुनाथ शुक्ला, क्षेत्र संचालक, पेंच व्याघ्र प्रकल्प यांनी पर्यटकांमधे वाढ होण्याच्या दृष्टीने टूर ऑपरेटर व एन्फल्यूएन्सर सोबत संवाद साधला.
