राज्यातील कर्तृत्ववान महिलांचा सत्कार… पर्यटनमंत्री मंगल प्रभात लोढा
राज्यातील सर्व क्षेत्रांतील महिलांच्या योगदानाचा गौरव करण्यासाठी ‘मल्टीमीडिया लाइट ॲण्ड साऊंड शो’
मुंबई l राज्याचा पर्यटन विभाग आणि इंडियन ऑईल यांच्या संयुक्त विद्यमाने महिला दिनाचे औचित्य साधून राज्यातील सर्व क्षेत्रांतील महिलांच्या योगदानाचा गौरव ‘मल्टीमीडिया लाइट ॲण्ड साऊंड शो’ च्या माध्यमातून करण्याचे निश्चित केले आहे. या दिनानिमित्त गेट वे ऑफ इंडिया येथे महिलांसाठी विशेष शो आयोजित करण्यात आले असून, यासाठी राज्यभरातील विविध क्षेत्रांतील महिलांचाही सत्कार करण्यात आला असल्याची माहिती पर्यटनमंत्री मंगल प्रभात लोढा यांनी मंत्रालय आणि विधिमंडळ वार्ताहर कक्ष येथे आयोजित पत्रकार परिषदेत दिली.
पर्यटनमंत्री श्री.लोढा म्हणाले, स्वातंत्र्य दिनाच्या अमृत महोत्सवानिमित्त गेट वे ऑफ इंडियाच्या भिंतीवर देशाच्या स्वातंत्र्याच्या इतिहासाची आठवण करून देणारा ‘मल्टीमीडिया लाइट ॲण्ड साऊंड शो’ दि.28 फेब्रुवारी रोजी सुरू करण्यात आला आहे. दि. 8 मार्च रोजी आंतरराष्ट्रीय महिला दिनाचे औचित्य साधून विशेष कार्यक्रमाचे आयोजन करण्यात आले आहे. महिला दिनानिमित्त आयोजित करण्यात आलेल्या कार्यक्रमाचे रात्री 8 वाजता मुख्यमंत्री एकनाथ शिंदे, केंद्रीय पेट्रोलियम मंत्री हरदीप सिंह पुरी, उपमुख्यमंत्री देवेंद्र फडणवीस यांच्यासह सर्व महिला अधिकारी यांची उपस्थिती असणार आहे.
या कार्यक्रमाला राज्यातील विविध क्षेत्रांत कार्यरत असणाऱ्या महिलांना आमंत्रित करण्यात आले. तसेच महाराष्ट्रातील सर्व क्षेत्रात योगदान दिलेल्या महिलांची माहिती देणारा पाच ते दहा मिनिटांचा मल्टीमीडिया लाईट ॲण्ड साऊंड शो यावेळी होणार आहेत. तसेच महिला आणि बालविकास विभागामार्फत उत्कृष्ट काम करणाऱ्या महिलांचा सत्कार होणार आहे. पुण्यश्लोक अहिल्यादेवी होळकर पुरस्कारांचे वितरण या दिवशी करण्यात येणार आहे या कार्यक्रमाला जास्तीत जास्त महिलांनी तसेच या क्षेत्रात काम करणाऱ्या मान्यवरांनी उपस्थित रहावे, असे आवाहन त्यांनी केले.
मंत्री श्री.लोढा म्हणाले,मुंबई उपनगरमध्ये महिलांसाठी फिरते कौशल्य विकास केंद्र तसेच फिरते स्वच्छता गृह हा उपक्रम सुरू करण्यात येणार आहे. हा उपक्रम प्रायोगिक तत्त्वावर राबविला जात असून उपक्रमाच्या यशस्वीतेनंतर इतर महानगरातही हा उपक्रम राबविण्यात येणार आहे.
यावेळी पर्यटन विभागाचे प्रधान सचिव सौरभ विजय, पर्यटन संचालक बी.एन.पाटील, महिला व बालविकास आयुक्त आर.विमला, इंडियन ऑइलचे कार्यकारी संचालक बी.एन.दास, पर्यटन विभागाच्या सहसचिव उज्ज्वला दांडेकर यावेळी उपस्थित होत्या.
- लाल रंगाचा समुद्र आणि अथांग शांतता!दापोलीतील निसर्गरम्य ‘लाडघर’ गावाला नक्की भेट द्या! कोकणातील शांत, स्वच्छ आणि निसर्गरम्य समुद्रकिनारा शोधत असाल, तर रत्नागिरी जिल्ह्यातील दापोलीजवळ वसलेले लाडघर गाव तुमच्यासाठी एक उत्तम ठिकाण आहे. या किनाऱ्याला ‘ताम्रतीर्थ’ म्हणूनही ओळखले जाते, कारण सूर्योदयाच्या आणि सूर्यास्ताच्या वेळी येथील समुद्राचे पाणी तांबूस-लालसर रंगाचे दिसते.नारळ-सुपारीच्या बागा, समुद्राच्या लाटांचा मंद आवाज आणि अस्सल कोकणी आदरातिथ्य यामुळे लाडघर… Read more: लाल रंगाचा समुद्र आणि अथांग शांतता!
- कोकणच्या समुद्रकिनाऱ्यांचे रक्षण करणारी निसर्गाची जादू: ‘मर्यादा वेली’ची अद्भुत गोष्ट!कोकणचा निसर्ग आणि तिथले अथांग समुद्रकिनारे म्हणजे महाराष्ट्राच्या पर्यटनाचा मानबिंदू! गर्द नारळी-सुपारीच्या बागा, वाळूत पाऊल ठेवताच पायाला शिवणारा गारवा आणि फेसाळणाऱ्या समुद्राच्या लाटा… हा अनुभव घेण्यासाठी दरवर्षी लाखो पर्यटक कोकणात हजेरी लावतात.पण कोकणच्या या सुंदर किनाऱ्यांवर फिरताना तुम्ही कधी वाळूवर पसरलेली आणि जांभळ्या-गुलाबी फुलांनी फुललेली एक वेल पाहिली आहे का?पर्यटनाचा आनंद घेताना अनेकदा आपण या… Read more: कोकणच्या समुद्रकिनाऱ्यांचे रक्षण करणारी निसर्गाची जादू: ‘मर्यादा वेली’ची अद्भुत गोष्ट!
- महाराष्ट्राच्या वैभवाची लक्झरी सफर
‘डेक्कन ओडिसी’सोबत अनुभवता येणार मुंबई, नाशिक, अजिंठा, वेरूळ, कोल्हापूर, गोवा आणि सावंतवाडी या महत्त्वाच्या पर्यटनस्थळांचा समृद्ध वारसा मुंबई : महाराष्ट्राची समृद्ध संस्कृती, ऐतिहासिक वारसा, निसर्गसौंदर्य आणि आदरातिथ्य जगभरातील पर्यटकांपर्यंत पोहोचविणाऱ्या ‘डेक्कन ओडिसी’च्या २०२६-२७ हंगामाला प्रारंभ झाला आहे. मा. पर्यटन मंत्री श्री. शंभूराज देसाई आणि मा. पर्यटन राज्यमंत्री श्री. इंद्रनील नाईक यांच्या नेतृत्वाखाली, पर्यटन विभागाचे अपर… Read more: महाराष्ट्राच्या वैभवाची लक्झरी सफर - आनंदी निवास, केळशी दापोली“कोकणात असा एक होमस्टे आहे… जिथे एकदा राहिल्यानंतर पर्यटक पुन्हा पुन्हा परत येतात. समुद्रकिनाऱ्यापासून फक्त चारशे मीटर अंतरावर… घरासारखं प्रेम… आईच्या हातच्या चवीचं जेवण… आणि सभोवताली फक्त निसर्ग. चला… आज आपण पाहूया दापोली तालुक्यातील केळशी गावातील MTDC मान्यताप्राप्त आनंदी निवास होमस्टे.” नमस्कार… महापर्यटनमध्ये आपले मनःपूर्वक स्वागत!आज आपण आलो आहोत रत्नागिरी जिल्ह्यातील दापोली तालुक्यातील सुंदर, शांत… Read more: आनंदी निवास, केळशी दापोली
- गौरी-गणपतीसाठी कोकणाकडे जाणाऱ्या चाकरमान्यांसाठी खुशखबर! एसटीच्या ५,२२० जादा बसेस
गणपती बाप्पा मोरया! 🙏🌺कोकणातील गणेशोत्सव म्हणजे केवळ धार्मिक उत्सव नाही, तर मातीशी, गावाशी आणि आपल्या माणसांशी जोडणारा भावनिक सोहळा आहे. मुंबई, पुणे आणि राज्याच्या विविध भागांतून दरवर्षी हजारो चाकरमानी गणपती बाप्पाच्या आगमनासाठी आपल्या कोकणातील गावी परततात.यंदाच्या गौरी-गणपती उत्सवासाठी कोकणात जाणाऱ्या गणेशभक्तांची वाढती गर्दी लक्षात घेऊन एसटी महामंडळाने ५,२२० जादा बसगाड्या सोडण्याचा मेगाप्लॅन आखला आहे. ही… Read more: गौरी-गणपतीसाठी कोकणाकडे जाणाऱ्या चाकरमान्यांसाठी खुशखबर! एसटीच्या ५,२२० जादा बसेस
- Beach Resorts / Hotels / Home Stay / Tent Camping /Kokan
- English
- Live Links
- Maha Tourism News
- Mahaparyatan Business
- Mahaparyatan Marketing
- Sports / क्रीडा
- Uncategorized
- ऐतिहासिक ठिकाणे
- कथाकथन / प्रवासवर्णन
- कृषी पर्यटन
- कृषी माहिती आणि उत्पादने
- खाद्य भ्रमंती
- गड, सागरी किल्ले
- धबधबे
- परंपरा / सण / उत्सव
- प्राचीन देवस्थाने
- महाराष्ट्रातील प्रसिद्ध पर्यटन स्थळे
- समुद्रकिनारे
- साहसी पर्यटन
