सरकारने घालून दिलेल्या निर्बंधात गोव्यात क्रुझ जलासफर स्पा, कॅसिनो आणि मसाज पार्लर सुरू
गोव्यात प्रवेशासाठी लागल्या वाहनांच्या रांगा
दोन डोस घेतल्याचे प्रमाणपत्र अथवा आरटीपीसीआर चाचणी करुनच दिला जातोय प्रवेश
Mahaparyatan_पणजी वृत्त – कोविडच्या वाढत्या प्रदूर्भावाने लागू करण्यात आलेले निर्बंध काही प्रमाणात शिथिल केल्याने गोव्यात पर्यटन स्थळे, क्रुझ, स्पा, कॅसिनो आणि मसाज पार्लर सुरू करण्यास सशर्त परवानगी मिळाली आहे.
कोविड प्रतिबंधक लसीचे दोन्ही डोस घेतलेल्या पर्यटकांना प्रवेशास मुभा देण्यात आली असून १५ दिवस आधी दुसरा डोस घेतलेला असल्याची अट घालण्यात आली आहे. ज्या पर्यटकांनी डोस घेतलेला नाही, त्यांनी गोवा प्रवेशाआधी ७२ तास कोविड निगेटिव्ह असल्याचे प्रमाणपत्र सादर करावे लागत आहे.
बरेचसे नियम शिथिल करण्यात आल्याने
शनिवार रविवारी विकएंडला पर्यटकांनी गोव्यात तुफान गर्दी केली होती. शनिवार पासून पर्यटकांचा ओघ वाढला होता. गोव्यात प्रवेशासाठी पत्रादेवी चेकनाक्यावर
पर्यटकांच्या वाहनांच्या रांगा लावल्याचे चित्र दिसून आले. पर्यटकांनी आपले व्हॅक्सिनेशन दाखले सादर केल्यावरच पुढे जाण्यास परवानगी देण्यात येत होती. जवळपास सगळीच हॉटेल फुल्ल झाली होती.
गुजरात, दिल्ली, आंध्र प्रदेश, कर्नाटक आणि इतर राज्यांतून पर्यटक इथे येत असल्याची माहिती टूर ॲण्ड ट्रॅव्हल असोसिएशन ऑफ गोवा या संघटनेचे अध्यक्ष नीलेश शहा यांनी दिली आहे. जलासफरीचा आनंद घेण्यासाठी क्रुझ बोटी, कॅसिनो आदी ठिकाणी पर्यटकांची गर्दी वाढू लागली आहे.
