आषाढी वारीसाठी मुक्ताई पालखीचे पंढरपूर कडे प्र�

313 वर्षांची अखंड परंपरा l गुजरात, मध्यप्रदेश , खानदेश येथील शेकडो दिंड्या सहभागी l

I श्री क्षेत्र कोथळी येथे वारकऱ्यांमध्ये उत्साह l 31 दिवसांचा प्रवास करत मुक्ताई पालखीचे जुलै महिन्यात पंढरपूरात होणार आगमन l

Agastya Sea View Apartments, Dapoli

313 वर्षांची अखंड परंपरा असलेल्या संत मुक्ताबाई पालखीचे काल जळगाव जिल्ह्यातील मुक्ताई नगर येथून प्रस्थान झाले. गुजरात , मध्यप्रदेश , खानदेश येथील शेकडो दिंड्या सहभागी होण्यासाठी काल पासून मुक्ताई नगरात आगमन झाले होते . श्री क्षेत्र कोथळी येथे वारकऱ्यांमध्ये उत्साहात निघालेली ही मुक्ताईची पालखी 31 दिवसांचा सलग प्रवास करत मुक्ताई पालखीचे जुलै महिन्यात पंढरपूरात आगमन होणार आहे.

वाराकरी संप्रदायाचे आराध्य दैवत असलेल्या विठ्ठल रखुमाई च्या दर्शनासाठी दर वर्षी संतांच्या पालख्या , दिंड्या आषाढी वारीसाठी पंढरपूरला जात असतात. मात्र वारी साठी राज्यातून सगळ्यात पहिली पालखी निघते ती संत मुक्ताबाईची . खानदेश, विदर्भ, मध्यप्रदेश येथून अनेक दिंड्या आणि वारकरी या वारीत सहभागी होत असतात.

अत्यंत धार्मिक आणि जोशपूर्ण वातावरणात संत मुक्ताईची पालखी पंढरपूर कडे रवाना होत असते. जळगाव जिल्ह्यातील मुक्ताईनगर तालुक्यातील कोथळी गावातील संत मुक्ताबाई देवीच्या मंदिरापासून पंढरपूरकडे पालख्या रवाना करण्याची शेकडो वर्षांची अखंड परंपरा आज पण कायम आहे.

आज देखील शेकडो वारकर्यांनी टाळ-मृदुंगाच्या गजरामध्ये आणि विठूनामाच्या जयघोशामध्ये मोठ्या भक्तिमय वातावरणात पंढरपूर कडे प्रस्थान केले आहे. सुमारे सहाशे किमी चा ३1 दिवसांचा प्रवास करीत हि वारी दशमीच्या दिवशी पंढरपूरात पोहोचणार आहे. संत मुक्ताई मातेची हि पालखी राज्यातील सर्व दिंड्या आणि पालख्यांच्या अगोदर पोहोचत असल्याने तिला पंढरपुरात पहिल्या मानाचे स्थान आहे.

या पालखीच्या स्वागतासाठी पंढरपुरात स्वागत समारोह आयोजित करण्याची गेल्या अनेक वर्षांची परंपरा आहे. जुलैला पालखी पंढरपूरमध्ये पोहोचल्यानंतर सायंकाळी वाजता मुक्ताई पादुकांचे चंद्रभागा स्नान पंढरपूर प्रवेश होईल. यानंतर आठवडाभराने परतीचा प्रवास सुरू होईल. संपूर्ण वारी मध्ये वारकर्यांच्या आरोग्याची काळजी घेण्याची खबरदारी संस्थान घेत असल्याचे संत मुक्ताबाई संस्थान चे अध्यक्ष रवींद्र पाटील यांनी बोलतांना सांगितले .…