महापर्यटन या डिजिटल वाहिनीच्या माध्यमातून महाराष्ट्रातील पर्यटन (Maharashtra Tourism) स्थळांचे चित्रीकरण करून माहितीपट स्वरूपात आपल्यापर्यंत युट्युब आणि फेसबुकच्या माध्यमातून आपल्या पर्यंत पोहचवत असतो.कोकणात (Kokan) चित्रीकरण करत असतांना महापर्यंतची टीम रत्नागिरी (Ratnagiri) जिल्ह्यातील दापोली तालुक्यात पोचली. आसूद बाग गाव , दुर्गादेवी मुरुड, कनकदुर्ग, हर्णे किल्ला/दीपगृह, हर्णे बंदर, फतेहगड, राममंदिर पाजपंढरी, कड्यावरचा गणपती या ठिकाणांचे चित्रीकरण पूर्ण करत आम्ही समुद्रकिनारी असलेल्या केळशी (Kelshi) या निसर्गरम्य गावात पोचलो त्यावेळी दुपारचे दोन वाजले, आणि सगळ्यांच्याच पोटात भुकेने कावळे ओरडायला लागले.
केळशी गावात असलेल्या श्री महालक्ष्मी देवस्थान (Mahalakshmi Temple Kelshi), याकूबबाबा दर्गा (Yakub Baba Dargah), आणि वाळूचा डोंगर (Sand Dun) या ठिकाणांचे चित्रीकरण करायचे नियोजन होते. गाव छोटेसे असल्याने इथे ऐनवेळेला भोजनाची सोय होऊ शकत नाही मात्र पूर्व कल्पना दिल्यास गावात शाकाहारी आणि मांसाहारी भोजनाची सोय होऊ शकते अशी माहिती मिळाली. मात्र आमच्या टीम बरोबर News १८ लोकमतचे दापोली प्रतिनिधी श्री शिवाजी गोरे हे हि होते. त्यांनी सहकार्य करत केळशीत घरगुती भोजनाची सोय करणाऱ्या शिवतेज सहवास या भोजन गृहाच्या संचालिका सौ प्रियांका यांच्याशी संपर्क साधत आम्हा सगळ्याच्या भोजनाची सोय होत असल्याची माहिती दिल्याने सगळ्यांनाच दिलासा मिळाला.
अगदी कमी वेळात त्यांनी आमच्यासाठी फिश फ्राय (Fish Fry), प्रॉन्स करी (Prawns Curry), तांदळाची भाकरी (Rice Bread), भात (Fish Rice) असा खासा बेत केला होता. तीन वाजता आम्ही शिवतेज निसर्ग सहवास या भोजन गृहात पोचलो. त्यावेळी प्रॉन्स करी तयार झाली होती आणि चुलीवर तव्यात सुरमयी फ्राय करणे सुरु होते. आमच्या टीमने हि तत्परता दाखवत चित्रीकरण सुरु केले . सौ प्रिया यांच्याशी स्वयंपाक करत असतांना बातचीत करत आम्ही पारंपरिक पद्धतीने बनवलेल्या फिश फूडची रेसिपी आम्हाला सांगितली, कोकणात पारंपरिक पद्धतीने (Recipe) मासे कसे बनवायचे (Kokans Traditional Sea Food), इथे येणारे पर्यटक शाकाहारी आणि मांसाहारी प्रकारात कुठल्या प्रकारची व्यंजने आवडतात याची हि माहिती त्यांनी आम्हाला दिली.
सौ. प्रिया यांच्याशी झालेल्या संभाषणाचा अनकट व्हिडीओ आम्ही आपल्यापर्यंत महापर्यंतच्या माध्यमातून आपल्यापर्यंत पोचवत आहोत. त्यानंतर आम्ही तयार झालेले जेवण केळशीच्या (Kelshi Sea) समुद्रकिनारी असलेल्या सुरुच्या बनात आम्ही जेवणाचा (Lunch) आनंद लुटला. प्रचंड भूक लागली असल्याने जेवणावर आम्ही चांगलाच ताव मारला.