महिला दिनानिमित्त महिलांसाठी विशेष ऑफर
समुद्र किनाऱ्यावरील झिपलाईन राईडवर मिळेल इतकी सवलत…. महाराष्ट्र शासन पर्यटन संचालनालय, कोकण विभाग, नवी मुंबई व फ्लाईंग कोकण झिपलाईन राईड प्रकल्प
यांच्या संयुक्त विद्यमाने या जागतिक महिला दिनाचे औचित्य साधुन महिलांसाठी विशेष आणि थरारक अनुभव देणारी ऑफर घेऊन आले आहेत. यात झिपलाईन राईड ही सर्व महिलांना महिला दिनानिमित्त फक्त 300 रुपयात उपलब्ध होणार असल्याची माहिती पर्यटन संचालनालयाच्या कोकण विभागाचे उपसंचालक श्री. हनुमंत हेडे यांनी महापर्यटनला दिली आहे.
राईड बुकिंग आणि अधिक माहितीसाठी संपर्क – फ्लाईंग कोंकण – 9405566622
कोकणातील सिंधुदुर्ग जिल्ह्यातील देवगड पवनचक्की येथे महाराष्ट्रातील सर्वाधिक लांबीचा फ्लाईंग कोकण हा झीपलाईन प्रकल्प देवगडच्या सुपुत्री वैष्णवी जोईल व त्यांचे बंधू श्रीकांत जोईल यांच्या प्रयत्नांतून आणि देवगड जामसंडे नगरपंचायतीच्या सहकार्याने नुकताच सुरू करण्यात आला आहे. देवगडच्या पर्यटनात सध्या महत्वाचे पाऊल ठरलेला व असंख्य पर्यटकांना भुरळ पाडणारा असाच हा फ्लाईंग कोकणचा झीपलाईन प्रकल्प आहे. एकीकडे लॉकडाऊन मुळे सर्वच बंद असताना या काळात ही वेळ सार्थकी लावत वैष्णवी जोईल यांनी 2020 साली साकारलेला हा प्रकल्प देवगडच्या पर्यटनात भर टाकणारा आहे.
अल्पावधीतच लोकप्रिय झालेल्या झिपलाईन सफरीत अनुभवता येतो थरार – पर्यटनाच्या दृष्टीने प्रसिद्ध असलेले देवगड बीच, पवनचक्की गार्डन तसेच झीपलाईन हा सर्वाधिक लांबीचा प्रकल्प कोकणातील पर्यटनाला नवी ओळख करून देणारा आहे. १८८५ फुट लांबीची भारतातील किनारपट्टीवरील पहिली, महाराष्ट्रातील सर्वाधिक लांबीची ही झीपलाईन आहे. २८० फुट उंचीवरून ताशी ४५ किमी वेगाने अर्धा किमीपर्यंत पर्यटकांना या प्रकल्पाद्वारे झेपावता येत असून देवगड येथील पवनचक्कीवरून देवगड बीचकडे पर्यटकांना झीपलाईनद्वारे काही मिनिटातच पोहचता येते.
महाराष्ट्र शासन पर्यटन संचालनालयाच्या प्रादेशिक कार्यालय कोकण विभाग नवी मुंबई व फ्लाईंग कोकण झिपलाईन राईड प्रकल्प यांच्या वतीने जागतिक महिला दिनानिमित्त जास्तीत जास्त महिलांना या झीपलाईन राईडचा लाभ घेता यावा म्हणून ही विशेष सवलत उपलब्ध करून देण्यात आली आहे.
या सुवर्णसंधीचा अधिकाधिक महिलांनी लाभ घ्यावा असं आवाहन पर्यटन संचालनालयाच्या कोकण विभागाचे उपसंचालक श्री हनुमंत हेडे यांनी केले आहे.
- Beach Resorts / Hotels / Home Stay / Tent Camping /Kokan
- English
- Live Links
- Maha Tourism News
- Mahaparyatan Business
- Mahaparyatan Marketing
- Sports / क्रीडा
- Uncategorized
- ऐतिहासिक ठिकाणे
- कथाकथन / प्रवासवर्णन
- कृषी पर्यटन
- कृषी माहिती आणि उत्पादने
- खाद्य भ्रमंती
- गड, सागरी किल्ले
- धबधबे
- परंपरा / सण / उत्सव
- प्राचीन देवस्थाने
- महाराष्ट्रातील प्रसिद्ध पर्यटन स्थळे
- समुद्रकिनारे
- साहसी पर्यटन
