गेल्या काही दिवसांपासून कोकणात भात कापणीला सुरुवात झाली आहे. भाताच्या कापणी, मळणीसाठी शेतकऱ्यांची धांदल उडू लागली आहे. शेतात, वाडीत आता भात पिकाची कापणी मोठ्या उत्साहात होऊ लागली असून महिला वर्ग पारंपरिक गाणी म्हणत कापणीच्या कामात सहभागी झाल्याचे दिसून येत आहे.
सकाळी लवकर शेतात जाऊन तयार झालेल्या भाताची कापणी करायची आणि त्यानंतर कापलेल्या भातांची झोडपणी करून वारवणी उरकायची, असा शेतकऱ्यांचा या दिवसातला दिनक्रम असतो .
महापर्यटन टीम दापोली तालुक्यातील आसुद या गावी पर्यटन स्थळांच्या चित्रीकरणासाठी पोचली. दापोली मुरुड रस्त्यावर व्याघ्रेश्वर भक्तनिवासासमोर असलेल्या शेतात गौरी गणपतीची गाणी म्हणत भात कापणी करत असलेल्या महिलांचा समूह दिसून आला. त्यावेळी चित्रित केला गेलेला हा व्हिडीओ नक्की बघा
दापोली तालुक्यात यावर्षी मुबलक प्रमाणात पाऊस झाल्याने भात पिकाच्या उत्पन्नात मोठी वाढ होणार असल्याची शक्यता वर्तवण्यात येत आहे.
