पर्यटन विकासासाठी करणार सहकार्य करणार श्रिया परब
मुंबई : लेबनॉन येथे अंतरराष्ट्रीय स्तरावरील घेतली जाणारी “मिस टुरीझम युनिव्हर्स २०२१” स्पर्धा सप्टेंबर महिन्यात पार पडली. २२ देशांच्या स्पर्धकांनी यात सहभाग नोंदवला होता. या स्पर्धेत श्रीया परब हिने भारताचे प्रतिनिधित्व केले होते. या स्पर्धेचा अंतिम निकाल जाहीर झाला असून ‘मिस टुरीझम युनिव्हर्स एशिया २०२१’ (Miss Tourism Universe Asia 2021) चा किताब मुळची कोकणातील सिंधुदुर्गमधील मालवण तालुक्यातील कांदळगाव येथील श्रीया परब (Shriya Parab) हिने पटकावला.
आपल्या चाणाक्ष बुद्धिमत्तेने आणि घायाळ करणाऱ्या सौंदर्याने तिने इतर सहभागी स्पर्धकांना मागे टाकत अंतिम फेरीदिवशी तिने सादर केलेल्या सादरीकरणाने परीक्षकांची मनं जिंकून घेतली. श्रिया हिने हा मानाचा किताब पटकावून लेबनॉनमध्ये तिरंगा फडकवला.
मिस युनिव्हर्स टूरिझम आणि मिस एशिया विजेत्या श्रिया परब यांनी नुकतीच मुख्यमंत्री उद्धव ठाकरे यांची सदिच्छा भेट घेतली. यावेळी मुख्यमंत्री श्री. ठाकरे यांनी त्यांचे ही स्पर्धा जिंकल्याबद्दल अभिनंदन केले. यावेळी पर्यटन मंत्री आदित्य ठाकरे, आमदार सुनिल प्रभू, शिवानी परब, संजय परब, आदित्य परब, ऋषिकेश मिराजकर उपस्थित होते.
श्रिया परब यांनी राज्याच्या पर्यटन विकासासाठी शासनाला सर्वोतोपरी सहकार्य करणार असल्याचे यावेळी सांगितले……